ഡോ. വന്ദന ദാസ് കുത്തേറ്റു മരിച്ച സംഭവത്തില്‍ സിബിഐ അന്വേഷണം ആവശ്യപ്പെട്ടു മാതാപിതാക്കളായ കെ.ജി. മോഹന്‍ദാസ്, ടി. വസന്തകുമാരി എന്നിവര്‍ നല്‍കിയ ഹര്‍ജി ഹൈക്കോടതി ഓണം അവധിക്കു ശേഷം പരിഗണിക്കാനായി മാറ്റി.
പോലീസ് കൃത്യമായി ഇടപെട്ടിരുന്നെങ്കില്‍ മകള്‍ ഇപ്പോഴും ജീവനോടെയുണ്ടാകുമായിരുന്നെന്നും പോലീസ് വീഴ്ച മറയ്ക്കാനാണ് ശ്രമിക്കുന്നതെന്നും ഹര്‍ജിക്കാര്‍ ആരോപിച്ചു. കേസില്‍ പോലീസിന്‍റെ ഭാഗത്തുനിന്നുണ്ടായ വീഴ്ച അന്വേഷിക്കേണ്ടതുണ്ടെന്നും സിബിഐക്ക് അന്വേഷണം കൈമാറണമെന്നുമാണ് ഇവരുടെ ആവശ്യം.
അതേസമയം സര്‍ക്കാര്‍ ഇതിനെ എതിര്‍ത്ത് സത്യവാങ്മൂലം നല്‍കിയിരുന്നു. നിലവില്‍ അന്വേഷണം ശരിയായ ദിശയിലാണെന്നും സിബിഐ അന്വേഷണം ആവശ്യമില്ലെന്നുമായിരുന്നു സര്‍ക്കാർ നിലപാട്.
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി വാട്സാപ്പ് ഗ്രൂപ്പുകളിലേക്ക് സ്വാഗതം
Follow this link to join our WhatsAppgroup
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി ടെലഗ്രാം ഗ്രൂപ്പിലേക്ക് സ്വാഗതം
Follow this link to join our Telegram group
