കുടുംബ ജീവിതം നർമപൂരിതവും നന്മയുള്ളതുമാക്കി തീർക്കണമെന്ന് മാർ തോമസ് തറയിൽ. ചങ്ങനാശേരി അതിരൂപത മാതൃവേദി- പിതൃവേദി അതിരൂപതാതല കുടുംബ സംഗമം അമ്പൂരിയിൽ ഉദ്ഘാടനം ചെയ്യുകയായിരുന്നു അദ്ദേഹം.
മണിപ്പുരിൽ പീഡനം അനുഭവിക്കുന്നവർക്കായുള്ള പ്രാർത്ഥന സെന്‍റ് ജോർജ് ഫൊറോന പള്ളിയിൽ നടന്നു. വിശ്വാസപ്രഘോണറാലിയോടെ കുടുംബ സംഗമത്തിനു തുടക്കമായി. അമ്പൂരി ഫൊറോന പ്രസിഡന്‍റ് സാബു വാകാനി അധ്യക്ഷനായിരുന്നു. പിതൃവേദി റൂബി ജൂബിലി വിഷയാവതരണം അതിരൂപത പിതൃവേദി പ്രസിഡന്‍റ് ജിനോദ് എബ്രാഹം നടത്തി. റൂബി ജൂബിലി സന്ദേശം മാതൃ-പിതൃവേദി ഡയറക്ടർ ഫാ. സെബാസ്റ്റ്യൻ ചാമക്കാല നൽകി.
ഫൊറോന വികാരി ഫാ. സോണി കരിവേലി അനുഗ്രഹ പ്രഭാഷണം നടത്തി. ഫൊറോന ഡയറക്ടർ ഫാ. മാത്തുക്കുട്ടി മൂന്നാറ്റിൻമുഖം, മാതൃവേദി പ്രസിഡന്‍റ് ബീന ലിജു, ഫൊറോന മാതൃവേദി പ്രസിഡന്‍റ് ബീന ജോസ്, എൻ.ഷിബു, ജയൻ ഊറ്റുകുഴി എന്നിവർ പ്രസംഗിച്ചു.
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി വാട്സാപ്പ് ഗ്രൂപ്പുകളിലേക്ക് സ്വാഗതം
Follow this link to join our WhatsAppgroup
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി ടെലഗ്രാം ഗ്രൂപ്പിലേക്ക് സ്വാഗതം
Follow this link to join our Telegram group
