കാലവര്‍ഷം അവസാനിക്കാന്‍ ആറാഴ്ച മാത്രം ബാക്കിനില്‍ക്കുമ്പോള്‍ മഴക്കുറവില്‍ വലഞ്ഞ് കേരളം.
ഇന്നലെ വരെ 45 ശതമാനം മഴക്കുറവാണ് സംസ്ഥാനത്ത് രേഖപ്പെടുത്തിയത്. ജൂണ്‍ ഒന്ന് മുതല്‍ ഇന്നലെ വരെ 1626.7 മില്ലി മീറ്റര്‍ മഴയാണ് കേരളത്തില്‍ പെയ്യേണ്ടിയിരുന്നത്. എന്നാല്‍ പെയ്തത് 892.7 മില്ലി മീറ്റര്‍ മാത്രം. കാലവര്‍ഷം ശക്തമാകാത്തതിനെത്തുടര്‍ന്ന് കാര്‍ഷികമേഖലയടക്കം വലിയ പ്രതിസന്ധിയാണ് നേരിടുന്നത്. പല സ്ഥലങ്ങളിലും കുടിവെള്ളക്ഷാമവും നേരിടുന്നുണ്ട്.
മഴ കുറഞ്ഞതോടെ പകല്‍ താപനിലയും കൂടി നില്‍ക്കുന്നു. സെപ്റ്റംബറോടെ മാത്രമേ കാലവര്‍ഷം ഇനി ശക്തി പ്രാപിക്കൂ എന്നാണ് സ്വകാര്യ കാലാവസ്ഥാ പ്രവചന വിദഗ്ധര്‍ വ്യക്തമാക്കുന്നത്. കാലവര്‍ഷം രണ്ടരമാസം പിന്നിടുമ്പോൾ എല്ലാ ജില്ലകളും മഴക്കുറവില്‍ വലയുകയാണ്. വയനാട് ജില്ലയിലാണ് ഏറ്റവും രൂക്ഷം. 55 ശതമാനം മഴക്കുറവാണ് ഇന്നലെ വരെ ഇവിടെ രേഖപ്പെടുത്തിയത്. കോഴിക്കോട് 54 ശതമാനവും പാലക്കാട്, കോട്ടയം ജില്ലകളില്‍ 51 ശതമാനവുമാണ് മഴക്കുറവ്. മറ്റു ജില്ലകളിൽ മഴക്കുറവ് 20 ശതമാനത്തിനും മുകളിലാണ്.
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി വാട്സാപ്പ് ഗ്രൂപ്പുകളിലേക്ക് സ്വാഗതം
Follow this link to join our WhatsAppgroup
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി ടെലഗ്രാം ഗ്രൂപ്പിലേക്ക് സ്വാഗതം
Follow this link to join our Telegram group
