കൊച്ചി : മണിപ്പൂർ കലാപത്തിന്റെ പശ്ചാത്തലത്തിൽ പ്രധാനമന്ത്രി മൗനo വെടിയണമെന്നും, കലാപത്തിലൂടെ ക്രിസ്തുമതത്തെ ഇല്ലാതാക്കാമെന്നാണ് ഉദ്ദേശിക്കുന്നത് എങ്കിൽ അത് വ്യാമോഹമാണെന്നും കെസിബിസി പ്രസിഡന്റും സീറോ മലങ്കര സഭാ മേജര് ആര്ച്ച്ബിഷപ്പുമായ കര്ദിനാള് മാർ ബസേലിയോസ് ക്ലീമിസ് കാതോലിക്ക ബാവ.
മണിപ്പുര് കലാപത്തില് പ്രധാനമന്ത്രി തുടരുന്ന മൗനത്തില് പ്രതിഷേധിച്ച് മൂവാറ്റുപുഴയില് മാത്യു കുഴല്നാടന് എംഎല്എ നടത്തുന്ന “മിണ്ടാതെ ഉരിയാടാതെ’ ഉപവാസ സമരത്തിന്റെ ഭാഗമായുള്ള മതേതര സംഗമത്തില് പങ്കെടുത്തു പ്രസംഗിക്കുകയായിരുന്നു അദ്ദേഹം.
പ്രധാനമന്ത്രി വിഷയത്തില് മൗനം വെടിയണം. ഹിന്ദുക്കള് മുസ്ലിംകള്ക്കും ക്രിസ്ത്യാനികള്ക്കും എതിരല്ല. ഹിന്ദുധര്മം അത് അനുശാസിക്കുന്നുമില്ല. ഇല്ലാത്ത സമുദായ ധ്രുവീകരണം സൃഷ്ടിച്ച് ജനങ്ങളില് ഭിന്നിപ്പുണ്ടാക്കി രാഷ്ട്രീയനേട്ടമുണ്ടാക്കാന് ശ്രമിക്കുന്ന ഈ സംവിധാനത്തിനെതിരേ കേന്ദ്ര സര്ക്കാര് കണ്ണുതുറക്കണം.
എല്ലാവരെയും ഒരേപോലെ കാണുന്ന സമീപനം വരണം. കേന്ദ്രനേതൃത്വം ഇതിനെതിരേ ഒന്നും ശബ്ദിക്കുന്നില്ല. ഇന്ത്യയില് ജാനാധിപത്യവും സമാധാനവും രാജ്യത്തു തുടരുന്നുവെന്ന് ലോകത്തിനു മുന്നില് വ്യക്തമാക്കാന് പ്രധാനമന്ത്രി ഇടപെടണമെന്നും അദ്ദേഹo കൂട്ടിച്ചേർത്തു.
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി വാട്സാപ്പ് ഗ്രൂപ്പുകളിലേക്ക് സ്വാഗതം
Follow this link to join our WhatsAppgroup
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി ടെലഗ്രാം ഗ്രൂപ്പിലേക്ക് സ്വാഗതം
Follow this link to join our Telegram group