ജപമാലയുടെ പ്രാധാന്യത്തെക്കുറിച്ച് ഉദ്ബോധിപ്പിച്ച് മാർപാപ്പ.
ഇറ്റലിയിലെ പോംപെ മരിയൻ തീർത്ഥാടന കേന്ദ്രത്തിൽ, പരിശുദ്ധ ജപമാല മാതാവിന്റെ അത്ഭുത ചിത്രം പ്രതിഷ്ഠിച്ചതിന്റെ നൂറ്റിയൻപതാം വാർഷികം ആഘോഷിക്കുന്ന സഭാസമൂഹത്തിനു പ്രാർത്ഥനാശംസകൾ നേർന്നുകൊണ്ട് അയച്ച സന്ദേശത്തിലാണ് ഫ്രാൻസിസ് പാപ്പായുടെ ഈ ഉദ്ബോധനം.
പരിശുദ്ധ അമ്മയുടെ സന്നിധിയിൽ ആശ്വാസവും പ്രത്യാശയും കണ്ടെത്തുന്നതിനായി പോംപെ മാതാവിന്റെ തീർത്ഥാടനകേന്ദ്രത്തിൽ എത്തിച്ചേരുന്ന എല്ലാവരോടും ചേർന്നുകൊണ്ട് ആത്മീയമായി ഈ ആഘോഷങ്ങളിൽ പങ്കെടുക്കുവാൻ തനിക്കുള്ള അതിയായ സന്തോഷം പങ്കുവച്ചുകൊണ്ടാണ് ഫ്രാൻസിസ് പാപ്പാ തന്റെ സന്ദേശലേഖനം ആരംഭിക്കുന്നത്. രക്ഷ തേടുകയാണെങ്കിൽ, ജപമാല ഭക്തി പ്രചരിപ്പിക്കുക എന്നുള്ള ബാർട്ടോലോ ലോങ്കോയുടെ ഉൾവിളി, തുടർന്ന് ഈ തീർത്ഥാടന കേന്ദ്രത്തിന്റെ ഉത്ഭവത്തിലേക്ക് നയിച്ചുവെന്നുള്ളത് അദ്ദേഹത്തിന്മേലുള്ള വാഗ്ദാനത്തിന്റെയും, നിയോഗത്തിന്റെയും ആധ്യാത്മികദർശനമായിരുന്നുവെന്നും പാപ്പാ എഴുതി.
ഈ ഉൾവിളി, അദ്ദേഹത്തെ ജപമാലയുടെ അപ്പസ്തോലനാക്കുകയും, മരിയൻ ഭക്തിയുടെ ഏറ്റവും മികച്ച വ്യാഖ്യാതാക്കളിൽ ഒരാളായി പിൽക്കാലത്ത് മാറുകയും ചെയ്തു എന്നുള്ളതും പാപ്പാ അടിവരയിട്ടു പറഞ്ഞു. നമ്മുടെ പ്രത്യാശയായ യേശുവിനെ കേന്ദ്രീകരിച്ചുള്ള വരാനിരിക്കുന്ന ജൂബിലി വർഷവുമായും, ത്രിത്വത്തിന്റെ വെളിച്ചത്തിൽ ക്രിസ്തുവിന്റെ ദൈവീക -മാനുഷിക രഹസ്യാത്മകതയ്ക്ക് പ്രത്യേക പ്രാധാന്യം നൽകിയ നിഖ്യ സൂനഹദോസിന്റെ (325) പതിനേഴാം ശതാബ്ദിയുമായും പോംപെ മാതാവിന്റെ ചിത്രരചനാ ജൂബിലിക്ക് അഭേദ്യ ബന്ധമുണ്ടെന്ന് പാപ്പാ കൂട്ടിച്ചേർത്തു
ക്രൈസ്തവ ലോകത്തെ പുതുപുത്തൻ വാർത്തകളും വിശേഷങ്ങളും അറിയുവാൻ മരിയൻ വൈബ്സ് ന്യൂസ് പോർട്ടലിന്റെ ഏറ്റവും പുതിയ വാട്സ്ആപ്പ് ചാനൽ സബ്സ്ക്രൈബ് ചെയ്യുക….
👇🏻👇🏻👇🏻👇🏻👇🏻👇🏻
https://whatsapp.com/channel/0029VaELOKJId7nMsgAl330m
