സഭയുടെ ഏറ്റവും മൂല്യവത്തായ രത്നങ്ങളാണ് കുട്ടികളെന്ന് കോതമംഗലം ബിഷപ് മാർ ജോർജ് മഠത്തിക്കണ്ടത്തിൽ.കെസിഎസ്എൽ സംസ്ഥാനതല ലീഡേഴ്സ് മീറ്റിന്‍റെ സമാപന സമ്മേളനം ആനിക്കാട് സെന്‍റ് സെബാസ്റ്റ്യൻസ് ഹയർ സെക്കൻഡറി സ്കൂളിൽ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
കാലത്തിനൊത്ത് ചരിച്ചും വിശുദ്ധ ബൈബിൾ വായിച്ച് ഗ്രഹിച്ചും കുഞ്ഞുങ്ങൾ വളർന്നു വരണമെന്നും ബൈബിൾ വായനയാകുന്ന ആത്മീയ ഭക്ഷണം കഴിച്ച് കെസിഎസ്എൽ അംഗങ്ങൾ മാതൃകകളായി വളർന്നുവരണമെന്നും അതിനുള്ള ശക്തമായ അടിത്തറയൊരുക്കുവാൻ കെസിഎസ്എല്ലിന് ഇത്തരം സംഗമങ്ങളിലൂടെ സാധിക്കുമെന്നും അദ്ദേഹം പറഞ്ഞു.
സംസ്ഥാന ഡയറക്ടർ ഫാ. കുര്യൻ തടത്തിൽ, കോതമംഗലം രൂപത പ്രസിഡന്‍റ് ജിജോ മാനുവൽ, സംസ്ഥാന ഓർഗനൈസർ മനോജ് ചാക്കോ, രൂപത ജനറൽ സെക്രട്ടറി മേഘ മേരി, സംസ്ഥാന ചെയർമാർ അശ്വിൻ ആന്‍റോ, കോതമംഗലം രൂപത ചെയർമാൻ ജെം കെ. ജോസ്, ആനന്ദ് ജോ നെടുങ്കല്ലേൽ, സംസ്ഥാന പ്രസിഡന്‍റ് ബേബി തദേവൂസ് ക്രൂസ്, രൂപത ഡയറക്ടർ ഫാ. വർഗീസ് പാറമേൽ, സംസ്ഥാന ജനറൽ സെക്രട്ടറി അലിറ്റ മനോജ്, വി.വി. സെബാസ്റ്റ്യൻ, അരുണ്‍ ജോസ്, ആനിക്കാട് സെന്‍റ് സെബാസ്റ്റ്യൻസ് എച്ച്എസ്എസ് പ്രധാനാധ്യാപിക സിസ്റ്റർ നിർമൽ മരിയ, ലൗഷ സിറിയക്ക് എന്നിവർ പ്രസംഗിച്ചു.
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി വാട്സാപ്പ് ഗ്രൂപ്പുകളിലേക്ക് സ്വാഗതം
Follow this link to join our WhatsAppgroup
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി ടെലഗ്രാം ഗ്രൂപ്പിലേക്ക് സ്വാഗതം
Follow this link to join our Telegram group
