കോട്ടയം : രോഗീപരിചരണത്തിൽ കാരിത്താസ് ആശുപത്രിയുടെ സേവനങ്ങൾ മാതൃകാപരമാണെന്ന് ഗോവ ഗവർണർ പി.എസ്. ശ്രീധരൻപിള്ള.
500 കീഹോൾ ഹൃദയശസ്ത്രക്രിയകൾ പൂർത്തിയാക്കിയ കാരിത്താസ് ഹാർട്ട് ഇൻസ്റ്റിറ്റ്യൂട്ടിനെ ആദരിക്കുന്നതിനായി കോട്ടയം പൗരാവലിയുടെ ആഭിമുഖ്യത്തിൽ മാമ്മൻ മാപ്പിള ഹാളിൽ സംഘടിപ്പിച്ച സമ്മേളനം ഉദ്ഘാടനം ചെയ്തു പ്രസംഗിക്കുകയായിരുന്നു ഗവർണർ. അത്യന്താധുനിക സൗകര്യങ്ങളോടുകൂടി മധ്യകേരളത്തിൽ പ്രവർത്തിക്കുന്ന കാരിത്താസ് ആശുപത്രി മറ്റ് ആതുരാലയങ്ങൾക്കു മാതൃകയാണെന്നും അദ്ദേഹം കൂട്ടിച്ചേർത്തു.
മന്ത്രി വി.എൻ. വാസവൻ അധ്യക്ഷത വഹിച്ചു. കൂട്ടിക്കൽ ദുരന്തത്തിൽപ്പെട്ടവരെ സഹായിക്കാൻ കാരിത്താസ് ആശുപത്രി നടത്തിയ സേവനങ്ങൾ പ്രശംസനീയമാണെന്ന് മന്ത്രി പറഞ്ഞു.കോട്ടയം ആർച്ച്ബിഷപ് മാർ മാത്യു മൂലക്കാട്ട് അനുഗ്രഹ പ്രഭാഷണം നടത്തി. തോമസ് ചാഴികാടൻ എംപി, എംഎൽഎമാരായ തിരുവഞ്ചൂർ രാധാകൃഷ്ണൻ, മോൻസ് ജോസഫ്, ജില്ലാ പഞ്ചായത്ത് പ്രസിഡന്റ് നിർമ്മലാ ജിമ്മി, നഗരസഭാ ചെയർപേഴ്സണ് ബിൻസി സെബാസ്റ്റ്യൻ, ദർശനാ സാംസ്കാരിക കേന്ദ്രം ഡയറക്ടർ ഫാ. എമിൽ പുള്ളിക്കാട്ടിൽ സിഎംഐ എന്നിവർ പ്രസംഗിച്ചു.
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി വാട്സാപ്പ് ഗ്രൂപ്പുകളിലേക്ക് സ്വാഗതം
Follow this link to join our WhatsAppgroup
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി ടെലഗ്രാം ഗ്രൂപ്പിലേക്ക് സ്വാഗതം
Follow this link to join our Telegram group