സഭയുടെ സൗന്ദര്യമാണ് സന്യസ്തരെന്ന് മാർ ജോസഫ് പണ്ടാരശേരി.ചെറുപുഷ്പ മിഷൻ ലീഗ് പ്ലാറ്റിനം ജൂബിലി വർഷാചരണത്തിന്റെ ഭാഗമായി സംസ്ഥാന, രൂപത, മേഖല വൈസ് ഡയറക്ടർമാരുടെ ഓൺലൈൻ സംഗമം ’സ്തുതി’ ഉദ്ഘാടനം ചെയ്തു സംസാരിക്കുകയായിരുന്നു കോട്ടയം അതിരൂപത സഹായമെത്രാൻ.
വർത്തമാന കാലഘട്ടത്തിൽ സന്യസ്ത മിഷൻ പ്രവർത്തനത്തിന്റെ പ്രസക്തിയെക്കുറിച്ച് സിസ്റ്റർ സോണിയ തെരേസ്(ഇറ്റലി) വെബിനാർ നയിച്ചു. സംസ്ഥാന പ്രസിഡന്റ് ബേബി പ്ലാശേരി അധ്യക്ഷത വഹിച്ചു. സംസ്ഥാന ഡയറക്ടർ ഫാ. ഷിജു ഐക്കരക്കാനായിൽ ആമുഖ പ്രഭാഷണം നടത്തി. സംസ്ഥാന വൈസ് ഡയറക്ടർ സിസ്റ്റർ ലിസ്നി എസ്ഡി, ജനറൽ സെക്രട്ടറി ജിന്റോ തകിടിയേൽ, ജനറൽ ഓർഗനൈസർ അരുൺ ജോസ് പുത്തൻപുരയ്ക്കൽ, എക്സിക്യൂട്ടീവ് അംഗം ആര്യ കൊച്ചുപുരയ്ക്കൽ എന്നിവർ പ്രസംഗിച്ചു. കേരളത്തിലെ വിവിധ രൂപത, മേഖലകളിൽ നിന്നുള്ള വൈസ് ഡയറക്ടേഴ്സ്, സംസ്ഥാന സമിതി അംഗങ്ങൾ എന്നിവർ പങ്കെടുത്തു.
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി വാട്സാപ്പ് ഗ്രൂപ്പുകളിലേക്ക് സ്വാഗതം
Follow this link to join our WhatsAppgroup
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി ടെലഗ്രാം ഗ്രൂപ്പിലേക്ക് സ്വാഗതം
Follow this link to join our Telegram group