ഡൽഹി താഹിർപുർ മേഖലയിൽ ക്രിസ്ത്യൻ പ്രാർത്ഥനാലയത്തിനു നേരെ ആക്രമണം. സിയോണ് പ്രാർത്ഥനാഭവന് നേരേയാണ് ആക്രമണമുണ്ടായത്.
പ്രാർത്ഥന നടക്കുന്ന സമയത്ത് അതിക്രമിച്ചു കയറിയ അക്രമികൾ വിശ്വാസികളെ മർദിക്കുകയും ബൈബിൾ വലിച്ചുകീറുകയും യേശുക്രിസ്തുവിന്‍റെ ചിത്രവും ഉപകരണങ്ങളും നശിപ്പിക്കുകയും ചെയ്തു.
സ്ത്രീകൾക്കു നേരേയും ആക്രമണമുണ്ടായി. പ്രാർത്ഥനാലയത്തിലെ മൈക്കിലൂടെ “ഹിന്ദു രാഷ്‌ട്രം സാധ്യമാകും, ജയ് ശ്രീറാം’’ എന്നു വിളിച്ചു. ബജ്‌രംഗ്ദൾ പ്രവർത്തകരാണ് ആക്രമണത്തിനു പിന്നിലെന്ന് പ്രാർത്ഥനയ്ക്കെത്തിയവർ ആരോപിച്ചു.
ഞായറാഴ്ച ഉച്ചയോടെ ജിടിബി എൻക്ലേവ് പോലീസ് സ്റ്റേഷനിൽ പാസ്റ്ററും വിശ്വാസികളും പരാതി നൽകാനെത്തിയപ്പോൾ നൂറോളം ബജ്‌രംഗ്ദൾ, ആർഎസ്എസ്, വിശ്വഹിന്ദു പരിഷത്ത് പ്രവർത്തകർ ജയ് ശ്രീറാം വിളികളുമായി സ്റ്റേഷൻ വളഞ്ഞു. പോലീസ് സ്റ്റേഷനുള്ളിൽ കയറിയും ഹൈന്ദവസംഘടനാ പ്രവർത്തകർ ജയ് ശ്രീറാം വിളിച്ചതായി ദൃക്സാക്ഷികൾ പറഞ്ഞു.
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി വാട്സാപ്പ് ഗ്രൂപ്പുകളിലേക്ക് സ്വാഗതം
Follow this link to join our WhatsAppgroup
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി ടെലഗ്രാം ഗ്രൂപ്പിലേക്ക് സ്വാഗതം
Follow this link to join our Telegram group
