എപ്പിസ്കോപ്പല്‍ സൂനഹദോസിന്‍റെ അംഗീകാരത്തോടെ തിരുവനന്തപുരം മേജര്‍ അതിരൂപതയില്‍ മലങ്കര കത്തോലിക്കാ സഭയുടെ പുതിയകോര്‍ എപ്പിസ്കോപ്പമാരായി നിയമിതരായ റവ. ഡോ. വര്‍ക്കി ആറ്റുപുറത്ത്, മോണ്‍. ഡോ. ജോണ്‍സണ്‍ കൈമലയില്‍, ഫാ. ജോണ്‍ കാരവിള എന്നിവരുടെ സ്ഥാനാരോഹണം
ഇന്നു രാവിലെ പട്ടം സെന്റ് മേരീസ് മേജര്‍ ആര്‍ക്കി എപ്പാര്‍ക്കിയല്‍ കത്തീഡ്രല്‍ ദേവാലയത്തില്‍ നടക്കും.
മേജര്‍ ആര്‍ച്ച് ബിഷപ് കര്‍ദിനാള്‍ മാര്‍ ബസേലിയോസ് ക്ലീമിസ് കാതോലിക്കാ ബാവ ചടങ്ങുകള്‍ക്ക് മുഖ്യകാര്‍മികത്വം വഹിക്കും.സഭയിലെ മറ്റ് മെത്രാപ്പോലീത്തമാര്‍ ചടങ്ങില്‍ സംബന്ധിക്കും. രാവിലെ ആരംഭിക്കുന്ന ശുശ്രൂഷകള്‍ക്കു മധ്യേ കാതോലിക്കാ ബാവ ഇവരെ സ്ഥാന ചിഹ്നങ്ങള്‍ അണിയിക്കും. റവ. ഡോ. വര്‍ക്കി ആറ്റുപുറത്ത് ഇപ്പോള്‍ തിരുവനന്തപുരം മേജര്‍ അതിരൂപതയുടെ വികാരി ജനറാളാണ്. റവ. ഡോ. ജോണ്‍സണ്‍ കൈമലയില്‍ നേരത്തേ റോമിലെ പൗരസ്ത്യ തിരുസംഘത്തില്‍ ഫസ്റ്റ് സെക്രട്ടറിയായിരുന്നു. ഫാ. ജോണ്‍ കാരവിള ഇപ്പോള്‍ അടൂര്‍ വൈദിക ജില്ലയില്‍ വയലാ കിഴക്കുപുറം ഇടവകകളുടെ വികാരിയാണ്.
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി വാട്സാപ്പ് ഗ്രൂപ്പുകളിലേക്ക് സ്വാഗതം
Follow this link to join our WhatsAppgroup
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി ടെലഗ്രാം ഗ്രൂപ്പിലേക്ക് സ്വാഗതം
Follow this link to join our Telegram group
