കൊച്ചി : ദൈവിക സ്വരൂപത്തില്‍ സൃഷ്ടിക്കപ്പെട്ട മാനവിക ഭാവമാണ് മനുഷ്യന്‍റെ ശ്രേഷ്ഠതയെന്ന് ഷംഷാദ്ബാദ് രൂപതാധ്യക്ഷൻ ബിഷപ് മാർ റാഫേൽ തട്ടിൽ. മാരാമൺ കൺവൻഷനിൽ ഇന്നലെ നടന്ന യോഗത്തിൽ സന്ദേശം നൽകുകയായിരുന്നു അദ്ദേഹം.
ക്രൈസ്തവ ജീവിതം ദാരിദ്ര്യത്തിന്‍റെ വിപ്ലവ നിലപാടുകളില്‍ വളരുവാനും അതു ജീവിതത്തില്‍ പ്രകടമാക്കുവാനും ഉള്ള വിളിയാണെന്നും ബിഷപ് പറഞ്ഞു.
ദൈവം ആഗ്രഹിക്കുന്നതു പോലെ നാം കാര്യങ്ങള്‍ ചെയ്യുന്നതാണ് നീതി. നീതി നിലനിൽക്കണമെന്ന ദാഹം വിശ്വാസസമൂഹത്തിനുണ്ടാകണം. നീതി രൂപപ്പെടേണ്ടയിടങ്ങള്‍ കാലഘട്ടത്തിന്‍റെ അനിവാര്യതയാണ്. നീതിയെന്നത് കേവലമായ ഔദാര്യ ഭാവത്തിനുമപ്പുറം ഗൗരവമേറിയ ഒരു ഉത്തരവാദിത്വ ബോധമാണ്.
നമ്മുടെ കരങ്ങളിലൂടെ നിര്‍വഹിക്കപ്പെടുന്ന ദൈവാഗ്രഹമാണ് നീതിയെന്നും മാർ റാഫേൽ തട്ടിൽ പറഞ്ഞു.ഗ്രിഗോറിയോസ് മാർ സ്തേഫാനോസ് എപ്പിസ്കോപ്പ യോഗത്തിൽ അധ്യക്ഷത വഹിച്ചു.
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി വാട്സാപ്പ് ഗ്രൂപ്പുകളിലേക്ക് സ്വാഗതം
Follow this link to join our WhatsAppgroup
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി ടെലഗ്രാം ഗ്രൂപ്പിലേക്ക് സ്വാഗതം
Follow this link to join our Telegram group
