സുവര്‍ണ ജൂബിലിയുടെ നിറവിൽ കേരള ലാറ്റിന്‍ കാത്തലിക് അസോസിയേഷന്‍.
സുവര്‍ണ ജൂബിലി ആഘോഷങ്ങള്‍ 27ന് വൈകുന്നേരം നാലിന് എറണാകുളം ടൗണ്‍ഹാളില്‍ വരാപ്പുഴ ആര്‍ച്ച്ബിഷപ് ഡോ. ജോസഫ് കളത്തിപ്പറമ്പില്‍ ഉദ്ഘാടനം ചെയ്യും. മന്ത്രി ആന്‍റണി രാജു ജൂബിലി ദീപശിഖ കൊളുത്തും. ജൂബിലി കര്‍മരേഖയുടെ ഉദ്ഘാടനം മന്ത്രി പി. രാജീവും സുവര്‍ണ ജൂബിലി ആഘോഷങ്ങളുടെ ഭാഗമായുള്ള കാരുണ്യഫണ്ടിന്‍റെ ഉദ്ഘാടനം ഹൈബി ഈഡന്‍ എംപിയും നിർവഹിക്കും.
കെഎല്‍സിഎ പ്രസിഡന്‍റ് ആന്‍റണി നൊറോണ അധ്യക്ഷത വഹിക്കും. എംഎല്‍എമാരായ എം. വിന്‍സന്‍റ്, കെ.ജെ. മാക്സി, ടൈസണ്‍ മാസ്റ്റര്‍, ടി.ജെ. വിനോദ്, എം. സ്റ്റീഫന്‍, ദലീമ ജോജോ, ജന.സെക്രട്ടറി അഡ്വ. ഷെറി ജെ. തോമസ്, മോണ്‍. ജോസ് നവസ്, ഫാ. മാര്‍ട്ടിന്‍ തൈപ്പറമ്പില്‍, ജോസഫ് ജൂഡ്, സിബി ജോയ്, സി.ജെ. പോള്‍, അഡ്വ. ജസ്റ്റിന്‍ കരിപ്പാട്ട്, ഷാജി ജോര്‍ജ്, റാഫേല്‍ ആന്‍റണി, സി.ജെ. റോബിന്‍, അഡ്വ. ജൂഡി ഡിസില്‍വ, എബി കുന്നേല്‍പ്പറമ്പില്‍, റോയി പാളയത്തില്‍ എന്നിവര്‍ പ്രസംഗിക്കും.
സമ്മേളനത്തിന് മുന്നോടിയായി 26ന് വൈകുന്നേരം 6.30ന് പാലാരിവട്ടം സെന്‍റ് ജോണ്‍ ദി ബാപ്റ്റിസ്റ്റ് ദേവാലയത്തില്‍നിന്നു കൊടിമരജാഥയും പ്രഥമ സംസ്ഥാന ജനറല്‍ സെക്രട്ടറി ഇ.പി. ആന്‍റണിയുടെ ചെമ്പുമുക്കിലുള്ള സ്മൃതി മണ്ഡപത്തില്‍നിന്നു പതാകജാഥയും പൊറ്റക്കുഴി ലിറ്റില്‍ ഫ്ളവര്‍ ദേവാലയത്തില്‍ നിന്ന് കൊടിക്കയര്‍ ജാഥയും ടൗണ്‍ഹാളില്‍ എത്തിച്ചേരും. ജൂബിലി സംഗമങ്ങള്‍, പ്രഭാഷണ പരമ്പരകള്‍, യുവജനങ്ങളുമായി മുഖാമുഖം, മുന്‍കാല നേതാക്കളുടെ സംഗമം, രക്തസാക്ഷി ദിനാചരണം, ചരിത്ര സ്മരണിക പ്രസിദ്ധീകരണം, ലാറ്റിന്‍ കാത്തലിക് കമ്യൂണിറ്റി ഹെല്‍പ് ഡസ്‌ക് രൂപീകരണം എന്നീ പരിപാടികൾ സംഘടിപ്പിക്കും.
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി വാട്സാപ്പ് ഗ്രൂപ്പുകളിലേക്ക് സ്വാഗതം
Follow this link to join our WhatsAppgroup
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി ടെലഗ്രാം ഗ്രൂപ്പിലേക്ക് സ്വാഗതം
Follow this link to join our Telegram group
