വിക്രം ലാൻഡർ ഇറങ്ങിയ സ്ഥലത്തിനു പേരിടാൻ രാജ്യത്തിന് അവകാശമുണ്ടെന്ന് ഐഎസ്ആർഒ ചെയർമാൻ എസ്. സോമനാഥ്. മുൻപ് പല രാജ്യങ്ങളും ഇത്തരത്തിൽ പേരിട്ടിട്ടുണ്ട്. ചന്ദ്രനിലെ ഈ ഭാഗത്തിന് പ്രധാനമന്ത്രി നരേന്ദ്ര മോദി ‘ശിവശക്തി’ എന്നു പേരിട്ടതിൽ വിവാദം വേണ്ടെന്നും മാധ്യമപ്രവർത്തകരുടെ ചോദ്യങ്ങൾക്കു മറുപടിയായി സോമനാഥ് പറഞ്ഞു.
ശാസ്ത്രവും വിശ്വാസവും രണ്ടും രണ്ടാണ്. ക്ഷേത്ര ദർശനം വ്യക്തിപരമായ കാര്യമാണെന്നും വെങ്ങാനൂർ ചാവടി നട പൗർണമിക്കാവ് ക്ഷേത്ര ദർശനത്തിനു ശേഷം അദ്ദേഹം പറഞ്ഞു. ചന്ദ്രയാൻ 3 കൃത്യമായി പ്രവർത്തിക്കുന്നുണ്ട്. പല വിലപ്പെട്ട കാര്യങ്ങളും ഇതുവഴി ലഭിച്ചു. ശാസ്ത്രജ്ഞരുടെ അവലോകനങ്ങൾക്ക് ശേഷം നിഗമനങ്ങൾ അറിയിക്കും. റോവറും ലാൻഡറും എടുത്ത കൂടുതൽ ചിത്രങ്ങളും ശേഖരിച്ച വിവരങ്ങളും വൈകാതെ പുറത്തുവിടുമെന്നു നേരത്തേ അറിയിച്ചിരുന്നു.
ചന്ദ്രയാൻ3 ദൗത്യം നൂറു ശതമാനം വിജയമാണ്. കൂടുതൽ വിവരങ്ങൾ വരും ദിവസങ്ങളിൽ പ്രതീക്ഷിക്കാം. ചിത്രങ്ങളെക്കാൾ ഇപ്പോൾ പ്രാധാന്യം നൽകുന്നത് പരീക്ഷണ ഉപകരണങ്ങളിൽ നിന്നുള്ള ശാസ്ത്രീയ വിവരങ്ങൾക്കാണ്. ജപ്പാനുമായി ചേർന്നുള്ള ലൂപ്പെക്സ് ചാന്ദ്ര ദൗത്യത്തെക്കുറിച്ചുള്ള ചർച്ച തുടരുന്നതായും അദ്ദേഹം പറഞ്ഞു.
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി വാട്സാപ്പ് ഗ്രൂപ്പുകളിലേക്ക് സ്വാഗതം
Follow this link to join our WhatsAppgroup
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി ടെലഗ്രാം ഗ്രൂപ്പിലേക്ക് സ്വാഗതം
Follow this link to join our Telegram group
