കോവിഡ് നിയന്ത്രണങ്ങൾ മാറിയതോടെ വിശുദ്ധ അൽഫോൻസാമ്മയുടെ തിരുനാളിന് ഒരുങ്ങി ഭരണങ്ങാനം. 19 മുതൽ 28 വരെയാണ് തിരുനാൾ.
19ന് രാവിലെ 10.45ന് പാലാ ബിഷപ് മാർ ജോസഫ് കല്ലറങ്ങാട്ട് തിരുനാളിന് കൊടിയേറ്റും. തിരുനാൾ ദിവസങ്ങളിൽ പുലർച്ചെ 5.30നും 6.30നും എട്ടിനും ഉച്ചകഴിഞ്ഞ് 2.30നും വൈകുന്നേരം അഞ്ചിനും വിശുദ്ധ കുർബാനയും നൊവേനയും ഉണ്ടായിരിക്കും.
തിരുനാൾ ദിനങ്ങളിലെ രാവിലെ 11നുള്ള തിരുനാൾ കുർബാനയ്ക്ക് മൂന്നു റീത്തുകളിൽ നിന്നുള്ള ബിഷപുമാർ കാർമികത്വം വഹിക്കും. പ്രധാന തിരുനാൾ ദിവസമായ 28ന് രാവിലെ 10.30ന് സീറോ മലബാർ സഭ മേജർ ആർച്ച് ബിഷപ് കർദിനാൾ മാർ ജോർജ് ആലഞ്ചേരി വിശുദ്ധ കുർബാന അർപ്പിച്ച് സന്ദേശം നൽകും. 23നു രാവിലെ 11ന് സീറോ മലങ്കര സഭ മേജർ ആർച്ച് ബിഷപ് കർദിനാൾ മാർ ബസേലിയോസ് ക്ലീമിസ് കാതോലിക്ക ബാവ വിശുദ്ധ കുർബാന അർപ്പിച്ച് സന്ദേശം നൽകും. ആർച്ച് ബിഷപ് മാർ ജോസഫ് പെരുന്തോട്ടം, മാർ ജോർജ് മഠത്തികണ്ടത്തിൽ, മാർ റെമീജിയസ് ഇഞ്ചനാനിയിൽ, മാർ പീറ്റർ കൊച്ചുപുരയിൽ, മാർ മാത്യു അറയ്ക്കൽ, ബിഷപ് ഡോ. സെൽവിസ്റ്റർ പൊന്നുമുത്തൻ, മാർ മാത്യു വാണിയകിഴക്കേൽ, മാർ ജോസഫ് കല്ലറങ്ങാട്ട്, മാർ ജേക്കബ് മുരിക്കൻ, മാർ ജോസഫ് പള്ളിക്കാപ്പറമ്പിൽ എന്നിവർ തിരുനാൾ ദിവസങ്ങളിൽ വിശുദ്ധ കുർബാന അർപ്പിച്ച് സന്ദേശം നൽകും.ശനിയാഴ്ചകളിൽ തീർത്ഥാടന കേന്ദ്രത്തിൽ നടന്നു വരുന്ന ജപമാല പ്രദക്ഷിണം 19 മുതൽ 27 വരെ എല്ലാ ദിവസവും ഉണ്ടായിരിക്കും.
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി വാട്സാപ്പ് ഗ്രൂപ്പുകളിലേക്ക് സ്വാഗതം
Follow this link to join our WhatsAppgroup
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി ടെലഗ്രാം ഗ്രൂപ്പിലേക്ക് സ്വാഗതം
Follow this link to join our Telegram group