കോട്ടയം : ആതുര ശുശ്രൂഷ രംഗത്ത് അറുപത് വർഷം പിന്നിട്ട് കോട്ടയം കാരിത്താസ് ആശുപത്രി.ഡയമണ്ട് ജൂബിലി ആഘോഷങ്ങളുടെ ഭാഗമായി നിരവധി പദ്ധതികളാണ് ആശുപത്രി നടപ്പാക്കുന്നുത്.ഇതിന്റെ ഭാഗമായി 60ൽപ്പരം രോഗികൾക്കു പ്രധാന ശസ്ത്രക്രിയകൾ ഉൾപ്പെടെയുള്ളവ സൗജന്യമായി നൽകും. ഡയമണ്ട് ജൂബിലി കാലയളവിൽ വിവിധ ആരോഗ്യപരിശോധന ഫീസുകൾ ഗണ്യമായി കുറയ്ക്കും. ഓർമ്മശക്തി കുറയുന്നവരെയും വിവിധ ആരോഗ്യപ്രശ്നങ്ങൾ അലട്ടുന്നവരെയും വീടുകളിലെ മുതിർന്നവരെയും സംരക്ഷിക്കുന്നതിന്റെ ഭാഗമായി ജില്ലയിൽ ആദ്യമായി ഡിമെൻഷ്യൻഹോം സ്ഥാപിക്കും.
ഡയമണ്ട് ജൂബിലി വർഷത്തിൽ ഡയാലിസിസിനു എത്തുന്ന 15 പേർക്കു പൂർണമായും സൗജന്യമായി ഡയാലിസിസ് ചെയ്തു നല്കും. 30 രോഗികൾക്കു ചെലവിൽ 40 ശതമാനം തുക ഇളവും നല്കും. ഡയാലിസിസ് ചികിത്സയിലുള്ളവർക്കും പുതുതായി എത്തുന്ന രോഗികൾക്കും 15 ശതമാനം തുക ഇളവു ചെയ്തു നല്കും. ഇതിനായി 60 ലക്ഷം രൂപയാണ് ആശുപത്രി ചെലവഴിക്കുന്നത്.
സാമ്പത്തിക ബുദ്ധിമുട്ട് അനുഭവിക്കുന്ന കാൻസർ രോഗികൾക്കു സൂസൻ ഡാനിയേൽ ഫൗണ്ടേഷനുമായി ചേർന്നു 25,000 രൂപ വീതം നല്കും. ആൻജിയോഗ്രാം, മാമ്മോഗ്രാം പരിശോധനകൾക്കു 25 ശതമാനം ഇളവു നല്കും. നിലവിൽ ആൻജിയോഗ്രാം പരിശോധനയ്ക്കു 9000 രൂപയാണ് ഈടാക്കുന്നത്. ഇതു 2000 രൂപ കുറച്ചു 7000 രൂപയാക്കും. ആശുപത്രയിലെ ജീവനക്കാർക്കു ഫ്രണ്ട്സ് ഓഫ് കാരിത്താസ് പദ്ധതിയിൽ ഉൾപ്പെടുത്തി 25 ലക്ഷം രൂപയുടെ മെഡിക്കൽ ഇൻഷ്വറൻസ് പദ്ധതികളും നടപ്പാക്കുന്നുണ്ട്
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി വാട്സാപ്പ് ഗ്രൂപ്പുകളിലേക്ക് സ്വാഗതം
Follow this link to join our WhatsAppgroup
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി ടെലഗ്രാം ഗ്രൂപ്പിലേക്ക് സ്വാഗതം
Follow this link to join our Telegram group