ചന്ദ്രയാൻ -2ന്റെ ഓർബിറ്ററുമായി ആശയവിനിമയബന്ധം ചന്ദ്രയാൻ 3 സ്ഥാപിച്ചതായി ഐഎസ്ആർഒ അറിയിച്ചു .
ചന്ദ്രയാൻ-3 നാളെ വൈകുന്നേരം 6.04ന് ചന്ദ്രനിൽ സോഫ്റ്റ് ലാൻഡിംഗ് നടത്തുമെന്നാണു വിലയിരുത്തൽ. സോഫ്റ്റ് ലാൻഡിംഗ് ടെലികാസ്റ്റ് നടത്തുമെന്ന് ഐഎസ്ആർഒ അറിയിച്ചു. 2019ൽ വിക്ഷേപിച്ച ചന്ദ്രയാൻ-2ന് ഓർബിറ്ററും ലാൻഡറും റോവറുമായിരുന്നു ഉണ്ടായിരുന്നത്. സോഫ്റ്റ്ലാൻഡിംഗിനിടെ ലാൻഡറും റോവറും തകർന്നു. ഓർബിറ്റർ ഏഴു വർഷം പ്രവർത്തിക്കും. ചന്ദ്രയാൻ 2 ഓർബിറ്റർ ഇപ്പോഴും സജീവമായതിനാൽ ചന്ദ്രയാൻ 3ൽ പ്രത്യേക ഓർബിറ്റർ ഉൾപ്പെടുത്തിയിരുന്നില്ല. വിക്രം ലാൻഡറുമായുള്ള ഐഎസ്ആർഒയുടെ മിഷൻ ഓപ്പറേറ്റർ കോംപ്ലക്സിന്റെ ആശയവിനിമയം ഈ ഓർബിറ്റർ വഴിയാണ്.
ചന്ദ്രയാൻ 3 ലാൻഡർ മൊഡ്യൂളിലുള്ള ക്യാമറ പകർത്തിയ ചന്ദ്രന്റെ കൂടുതൽ ചിത്രങ്ങൾ ഇന്നലെ രാവിലെ ഐഎസ്ആർഒ പുറത്തുവിട്ടു. പാറകളോ ആഴത്തിലുള്ള ഗർത്തങ്ങളോ ഒഴിവാക്കി സുരക്ഷിതമായ ലാൻഡിംഗ് ഉറപ്പാക്കാൻ സഹായിക്കുന്ന ലാൻഡർ ഹസാർഡ് ആൻഡ് അവോയ്ഡൻസ് ക്യാമറ (എൽഎച്ച്ഡിഎസി) പകർത്തിയ ചിത്രങ്ങളാണ് ഇന്നലെ പുറത്തുവന്നത്.
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി വാട്സാപ്പ് ഗ്രൂപ്പുകളിലേക്ക് സ്വാഗതം
Follow this link to join our WhatsAppgroup
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി ടെലഗ്രാം ഗ്രൂപ്പിലേക്ക് സ്വാഗതം
Follow this link to join our Telegram group