ന്യൂനപക്ഷ സ്‌കോളര്‍ഷിപ്പിനുള്ള ഓഥന്‍റിഫിക്കേഷന്‍ നടത്താന്‍ നിര്‍ദേശിച്ചിരുന്ന ദിവസം ഇന്ന് അവസാനിക്കുമ്പോള്‍ പോട്ടലില്‍ ഡേറ്റാ അപ്‌ലോഡിംഗ് സാധിക്കാതെ ആയിരക്കണക്കിനു ഹയർ സെക്കൻഡറി വിദ്യാര്‍ത്ഥികള്‍ പുറത്ത്.
ഓഥന്‍റിഫിക്കേഷന്‍ സാധിക്കാതെ വന്ന വിദ്യാര്‍ത്ഥികള്‍ക്ക് സ്‌കോളര്‍ഷിപ് നഷ്ടമാകുമെന്ന് ആശങ്ക ഉയരുന്നു. സര്‍ക്കാര്‍, എയ്ഡഡ് സ്‌കൂളുകളിലെ യുഡിഐസിപ്ലസ് വിദ്യാര്‍ത്ഥികളുടെ ഡേറ്റാ ഇന്നു വൈകുന്നേരത്തിനകം അപ്‌ലോഡ് ചെയ്യണമെന്നാണ് സമഗ്രശിക്ഷാ കേരളയുടെ സംസ്ഥാന പ്രോജക്ട് ഡയറക്ടറുടെ ഉത്തരവില്‍ പറയുന്നത്.
ഓഥന്‍റിഫിക്കേഷനുള്ള നിര്‍ദേശം പുറത്തിറങ്ങിയപ്പോള്‍ ഓണപ്പരീക്ഷയായിരുന്നു. ഓണാവധിക്കായി 25ന് സ്‌കൂളുകള്‍ അടയ്ക്കുകയും ചെയ്തു. സെപ്റ്റംബര്‍ നാലിനേ ഇനി സ്‌കൂള്‍ തുറക്കൂ. ഈ സാഹചര്യത്തില്‍ ഈപ്രവര്‍ത്തനങ്ങള്‍ നടത്താന്‍ ഏറെ സാങ്കേതിക തടസങ്ങള്‍ നേരിട്ടിട്ടുണ്ട്.
ഈ ജോലി ചെയ്യുന്നതിനായി ഏല്‍പിക്കപ്പെട്ട ഏജന്‍സിക്ക് സമയബന്ധിതമായി മുഴുവന്‍ വിദ്യാര്‍ത്ഥികളുടേയും ഓഥന്‍റിഫിക്കേഷന്‍ ഓണ്‍ലൈനില്‍ അപ്‌ലോഡ് ചെയ്യാന്‍ സാധിക്കാത്തതും പ്രതിസന്ധി വര്‍ധിപ്പിക്കാനിടയാക്കിയെന്നാണ് സ്‌കൂളധികൃതരും രക്ഷിതാക്കളും ചൂണ്ടിക്കാട്ടുന്നത്.
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി വാട്സാപ്പ് ഗ്രൂപ്പുകളിലേക്ക് സ്വാഗതം
Follow this link to join our WhatsAppgroup
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി ടെലഗ്രാം ഗ്രൂപ്പിലേക്ക് സ്വാഗതം
Follow this link to join our Telegram group
