ലഹരിമുക്ത കേരളo വാഗ്ദാനം ചെയ്ത് അധികാരത്തിലെത്തിയ പിണറായി സര്‍ക്കാര്‍ കേരളത്തില്‍ ഇപ്പോള്‍ മദ്യപ്പുഴ ഒഴുക്കുകയാണെന്നു തലശ്ശേരി ആര്‍ച്ച്ബിഷപ് മാര്‍ ജോസഫ് പാംപ്ലാനി.
ഉളിക്കലില്‍ മൂന്നു ദിവസമായി നടന്നു വന്ന കെസിബിസി മദ്യവിരുദ്ധ സമിതി 23ാം സംസ്ഥാന സമ്മേളനത്തിന്‍റെ സമാപന സമ്മേളനം ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. പൊതു നന്മയ്ക്കായി മദ്യത്തിനും മയക്കുമരുന്നിനുമെതിരേ കെസിബിസി മദ്യവിരുദ്ധ സമിതി സൂര്യനുള്ളിടത്തോളം കാലം പ്രതികരിക്കും. മദ്യവിമുക്ത പ്രവര്‍ത്തനങ്ങള്‍ക്ക് അഞ്ച് വയസുള്ള വിദ്യാര്‍ഥികളെ മുതല്‍ ചേര്‍ത്തു നിർത്തി സാധ്യമായ പ്രവര്‍ത്തനം നടത്തും.
2021 ലെ മികച്ച പ്രവര്‍ത്തനത്തിന് കെസിബിസി മദ്യവിരുദ്ധ സമിതിയുടെ സംസ്ഥാന അവാര്‍ഡ് തലശ്ശേരി അതിരൂപത കരസ്ഥമാക്കി.
നവകേരളം സൃഷ്ടിക്കുമെന്നു പറയുന്ന സര്‍ക്കാര്‍ ഇങ്ങനെ മദ്യശാല അനുവദിച്ചാല്‍ കേരളത്തിലെ യുവതലമുറ മദ്യത്തിനും മയക്കുമരുന്നിനും അടിമയാകുമെന്നും പിന്നെയെങ്ങനെയാണ് നവകേരളം സൃഷ്ടിക്കാനാകുകയെന്നും ചടങ്ങിൽ അധ്യക്ഷത വഹിച്ച കെസിബിസി മദ്യവിരുദ്ധസമിതി സംസ്ഥാന ചെയര്‍മാന്‍ ബിഷപ് യൂഹാനോന്‍ മാര്‍ തിയോഡോഷ്യസ് ചോദിച്ചു.
സമാപന സമ്മേളനത്തിനുമുമ്പ് ഉളിക്കൽ ടൗണിൽ നടന്ന ബഹുജന റാലിക്ക് ഫാ. ചാക്കോ കുടിപ്പറമ്പില്‍, ഫാ. ജോസഫ് കാവനാടിയില്‍, ഫാ. ജോസഫ് പൂവത്തോലില്‍, ഫാ. ഷാജി ആശാരിക്കുന്നേല്‍, ഫാ. ജിന്‍സ് വാളിപ്ലാക്കല്‍, ഫാ. അമല്‍ പഞ്ഞിക്കുന്നേല്‍, ഫാ. ജെയ്‌സണ്‍ കൂനാനിക്കല്‍, സിസ്റ്റര്‍ ജോസ് മരിയ സിഎംസി, മേരിക്കുട്ടി ചാക്കോ പാലയ്ക്കലോടി, ടി.ഡി. ദേവസ്യ, സെബാസ്റ്റ്യന്‍ കുന്നിന്, ടോമി വെട്ടിക്കാട്ട് എന്നിവര്‍ നേതൃത്വം നല്‍കി
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി വാട്സാപ്പ് ഗ്രൂപ്പുകളിലേക്ക് സ്വാഗതം
Follow this link to join our WhatsAppgroup
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി ടെലഗ്രാം ഗ്രൂപ്പിലേക്ക് സ്വാഗതം
Follow this link to join our Telegram group
