സമൂഹത്തിൽ പാര്ശ്വവത്കരിക്കപ്പെട്ടവരുടെ ആരോഗ്യ പ്രശ്നങ്ങളില് ക്രിയാത്മകമായ ഇടപെടലുകളാണ് ചായ് (സിഎച്ച്എഐ) സംഘടന നടത്തുന്നതെന്ന് വരാപ്പുഴ ആര്ച്ച് ബിഷപ് ഡോ. ജോസഫ് കളത്തിപ്പറമ്പില്. ഇതിലൂടെ ഭാരതത്തിലെ സംസ്ഥാന, പ്രാദേശിക, രൂപത തലങ്ങളില് സഭയുടെ മുഖമാകുവാന് ഈ സംഘടനയ്ക്കു കഴിഞ്ഞുവെന്നും അദ്ദേഹം പറഞ്ഞു.
കാത്തലിക് ഹെല്ത്ത് അസോസിയേഷന് ഓഫ് ഇന്ത്യ (ചായ്) യുടെ കേരള ഘടകത്തിന്റെ 61-ാമത് ജനറല് ബോഡിയുടെ സമാപന ദിവസം പൊന്തിഫിക്കല് ദിവ്യബലിയില് സംസാരിക്കുകയായിരുന്നു അദ്ദേഹം.
മലബാര്, എറണാകുളം, കോട്ടയം, തൃശൂര്, തിരുവനന്തപുരം എന്നീ സോണുകളിലായി പ്രവര്ത്തിക്കുന്ന സംഘടനയുടെ അംഗങ്ങളായ കാത്തലിക് മിഷന് ആശുപത്രികളുടെയും ആരോഗ്യ ശുശ്രൂഷാ കേന്ദ്രങ്ങളുടെയും ഡയറക്ടര്മാരും പ്രതിനിധികളും പങ്കെടുത്ത ജനറല് ബോഡി യോഗം ജസ്റ്റീസ് സി.എസ്. ഡയസ് ഉദ്ഘാടനം ചെയ്തു. നാഷണല് ഡയറക്ടര് ഫാ. മാത്യു ഏബ്രഹാം അധ്യക്ഷത വഹിച്ചു. ഡയറക്ടര് ബോഡ് അംഗം ഫാ. തോമസ് പരിയാരത്ത്, ചായ് കേരള പ്രസിഡന്റ് ഫാ. ബിനു കുന്നത്ത്, ലൂര്ദ് ഇന്സ്റ്റിറ്റ്യൂഷന്സ് ഡയറക്ടര് ഫാ. ജോര്ജ് സെക്വീര, ചായ് എക്സിക്യൂട്ടീവ് ഡയറക്ടര് സിസ്റ്റര് ഡോ. ലില്ലിസ മാത്യു എന്നിവര് പ്രസംഗിച്ചു.
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി വാട്സാപ്പ് ഗ്രൂപ്പുകളിലേക്ക് സ്വാഗതം
Follow this link to join our WhatsAppgroup
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി ടെലഗ്രാം ഗ്രൂപ്പിലേക്ക് സ്വാഗതം
Follow this link to join our Telegram group