തിരുവനന്തപുരം :തീരശോഷണത്തിന് പരിഹാരം ആവശ്യപ്പെട്ട് തിരുവനന്തപുരം ലത്തീൻ അതിരൂപതയുടെ നേതൃത്വത്തിൽ മത്സ്യത്തൊഴിലാളികൾ നടത്തുന്ന സമരം ഇന്ന് നൂറാം ദിവസത്തിലേക്ക്. പ്രശ്നങ്ങൾക്ക് പരിഹാരം കാണാത്ത സാഹചര്യത്തിൽ
മത്സ്യത്തൊഴിലാളികൾ ഇന്ന് കടലും കരയും ഉപരോധിക്കും.
മുല്ലൂർ തുറമുഖ കവാടം, വിഴിഞ്ഞം കവാടം, മുതലപ്പൊഴി എന്നിവ കേന്ദ്രീകരിച്ച് രാവിലെ 8.30 മുതൽ വൈകുന്നേരം 5.30 വരെയാണ് ഉപരോധിക്കുന്നത്. എല്ലാ ഇടവകകളിൽ നിന്നുമുള്ളവർ സമരത്തിൽ പങ്കെടുക്കണമെന്നറിയിച്ച് ആർച്ച് ബിഷപ് ഡോ. തോമസ് ജെ. നെറ്റോ ഇടയലേഖനമിറക്കിയിട്ടുണ്ട്.
ഇന്നു മുതൽ തുറമുഖ നിർമ്മാണ ജോലികൾ സ്തംഭിപ്പിക്കുന്ന സമരം ആരംഭിക്കുകയാണ്. തുടർന്നുള്ള ദിവസങ്ങളിൽ സമരത്തിന്‍റെ ഗതി മാറും. കൂടുതൽ ശക്തമായ സമര മാർഗങ്ങളിലേക്ക് കടക്കുമെന്നും സമരസമിതി വ്യക്തമാക്കിയിട്ടുണ്ട് .
ജൂലൈ 20ന് സെക്രട്ടേറിയറ്റ് നടയിൽ തുടക്കം കുറിച്ച സമരo ഓഗസ്റ്റ് 16 മുതൽ വിഴിഞ്ഞം മുല്ലൂർ തുറമുഖ കവാടത്തിലേക്ക് മാറ്റുകയായിരുന്നു.
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി വാട്സാപ്പ് ഗ്രൂപ്പുകളിലേക്ക് സ്വാഗതം
Follow this link to join our WhatsAppgroup
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി ടെലഗ്രാം ഗ്രൂപ്പിലേക്ക് സ്വാഗതം
Follow this link to join our Telegram group
