കോട്ടയം :മണിപ്പുരിലെ പ്രതിസന്ധിയിൽ പഠനം മുടങ്ങിയ 60 വിദ്യാര്‍ത്ഥികള്‍ക്ക് കേരളത്തിൽ പഠനസൗകര്യം ഒരുക്കി ചങ്ങനാശേരി അതിരൂപത. തികച്ചും സൗജന്യമായി പഠനസൗകര്യം നൽകിയാണ് വലിയ ദൗത്യം അതിരൂപത ഏറ്റെടുക്കുന്നത്.
അതിരൂപതയുടെ കീഴിലുള്ള തിരുവനന്തപുരം കുറ്റിച്ചല്‍ ലൂര്‍ദ്മാതാ ഗ്രൂപ്പ് ഓഫ് ഇന്‍സ്റ്റിറ്റ്യൂഷൻസിലെ വിവിധ കോഴ്‌സുകളിലാണ് മണിപ്പുരില്‍ നിന്നുള്ള വിദ്യാര്‍ത്ഥി സംഘത്തിനു പഠന ക്രമീകരണം ഒരുക്കുന്നത്.
വിവിധ എന്‍ജിനിയറിംഗ് ട്രേഡുകളിലും ബികോം, ബിഎ ഇംഗ്ലീഷ്, ഹോട്ടൽ മാനേജ്മെന്‍റ് തുടങ്ങിയ ആര്‍ട്‌സ് വിഷയങ്ങളിലുമാണ് വിദ്യാര്‍ത്ഥികള്‍ പഠനത്തിനായി ചേര്‍ന്നിരിക്കുന്നത്. മണിപ്പുരിന്‍റെ വിവിധ മേഖലകളില്‍ നിന്നുള്ള കുട്ടികളുടെ അപേക്ഷകള്‍ സ്വീകരിച്ച് പരീക്ഷകളുടെയും മെരിറ്റിന്‍റെയും അടിസ്ഥാനത്തിലാണ് വിദ്യാര്‍ത്ഥികള്‍ക്ക് പ്രവേശനം നല്‍കിയത്.
ഇതിനകം ഇരുപതു വിദ്യാര്‍ത്ഥികള്‍ എത്തിക്കഴിഞ്ഞു. ബാക്കിയുള്ള നാല്പതു വിദ്യാര്‍ത്ഥികള്‍ ഈ ആഴ്ചയില്‍ എത്തിച്ചേരും. ഈ മാസം 20ന് ക്ലാസുകള്‍ ആരംഭിക്കും. കോളജിന്‍റെ രണ്ട് ഹോസ്റ്റലുകളില്‍ ഈ കുട്ടികള്‍ക്കു സൗജന്യ താമസവും ഭക്ഷണ ക്രമീകരണങ്ങളും സജ്ജമാക്കിയിട്ടുള്ളതായി ഇൻസ്റ്റിറ്റ്യൂഷൻസ് ഡയറക്ടര്‍ ഫാ.ബിജോയി അറയ്ക്കല്‍ പറഞ്ഞു.
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി വാട്സാപ്പ് ഗ്രൂപ്പുകളിലേക്ക് സ്വാഗതം
Follow this link to join our WhatsAppgroup
ക്രൈസ്തവ ലോകത്തെ പുതുപുത്തൻ വാർത്തകൾ അറിയുന്നതിനായി ടെലഗ്രാം ഗ്രൂപ്പിലേക്ക് സ്വാഗതം
Follow this link to join our Telegram group
